დემოკრატიული ჩართულობის ცენტრში საზოგადოება „გალელის“ შეკრება გაიმართა. როგორც ორგანიზაციის ხელმძღვანელი აცხადებს, ეს არის აპოლიტიკური ორგანიზაცია, რომელიც აერთიანებს ადგილობრივ გალელებს და იმუშავებს მათი პრობლემების მოგვარებაზე. კითხვაზე, აქვს თუ არა ორგანიზაციას პოლიტიკური გათვლები, დიმიტრი ფარულავა ამბობს, რომ ეს არის საზოგადოების საწყისებზე დაფუძნებული ორგანიზაცია, რომლის პოლიტიკურ პარტიად ჩამოყალიბება ან რაიმე სახით პოლიტიკაში მონაწილეობა დღის წესრიგში არ დგას.
საზოგადოება „გალელი“ 2002 წელს დაფუძნდა, თუმცა გარკვეული პერიოდის შემდეგ აქტივობები არ განუხორციელებია. ორგანიზაციის ხელმძღვანელების თქმით, კი ახლა დადგა საჭიროება ბევრი პრობლემის დაგროვების გამო, რომ ორგანიზაციამ ხშირად გამართოს შეხვედრები და საჭირბოროტო საკითხებზე დისკუსია შედგეს.