ზუგდიდისა და ცაიშის მიტროპოლიტის, მეუფე გერასიმეს თქმით, დროა პატრიარქის სიყვარული და პატივისცემა საქმით დავამტკიცოთ.,,სულ ვამბობთ და ახლა დროა საქმით დავამტკიცოთ, ჩვენი პატრიარქი ამას იმსახურებს,, – განაცხადა მეუფე გერასიმემ. მისი თქმით, დღევანდელი მსვლელობა ბოლოდროინდელი მოვლენების გამოხმაურებაცაა. პატრიარქის ღვაწლი უნდა იყოს დაფასებული,, – განაცხადა მან. მეუფე გერასიმეს ლოცვა- კურთხევით დაიგეგმა დღეს ზუგდიდში პატრიარქის მხარდასაჭერი მსვლელობა, რომელშიც სხვადასხვა ეპარქიის სასულიერო პირები მონაწილეობენ.მსვლელობა ვლაქერნის ღვთისმშობლის სახელობის საკათედრო ტაძრიდან დაიწყო და ივერიის ღვთისმშობლის სახელობის მშენებარე ტაძარში დასრულდა, სადაც ამ წუთებში მეუფე გერასიმე სამღვდელოებასთან ერთად პარაკლისს ატარებს.
მსვლელობა საინიციატივო ჯგუფის მიერ 31 ოქტომბრის სინოდის სხდომის შემდეგ დაიგეგმა და ინფორმაცია სოციალურ ქსელში გავრცელდა. შეგახსენებთ, რომ სინოდის სხდომაზე ჭყონდიდისა და მარტვილის მეუფე პეტრე ცაავას მღვდელთმსახურების უფლება შეუჩერდა.მეუფე პეტრემ საპატრიარქო მამათმავლობის მფარველობაში დაადანაშაულა.