„მ2 ქართული ოცნების ოფიციალური შემომწირველია“ – ეს განცხადება ფრაქცია „ერთიანი ნაციონალური მოძრაობის“ თავმჯდომარემ ანი წითლიძემ დღევანდელ საკრებულოს სხდომაზე მას შემდეგ განაცხადა, როცა ერთ-ერთ მთავარ საკითხად ქალაქის ცენტრში მ2 ის მიერ საცხოვრებელი კორპუსის მშენებლობა განიხილეს. საკრებულოს თამჯდომარის მამუკა წოწერიას თქმით, მ2 აქვს სურვილი თავისუფლებისა და ლაზის ქუჩაზე მდებარე მიწის ნაკვეთზე საცხოვრებელი კორპუსი ააშენოს. აქედან გამომდინარე, საკრებულოს სხდომაზე ორი საკადასტრო კოდი გააერთიანეს და აღნიშნულ ტერიტორიას საცხოვრებელი ზონის სტატუსი მიანიჭეს. მიუხედავად იმისა, რომ საკრებულოს ოპოზიციის წევრებმა მშენებლობის საკითხზე განსხვავებული შეხედულებები გამოთქვეს, საკითხს მხარი მაინც ერთხმად დაუჭირეს. მათი განმარტებით, ისინი მშენებლობის წინააღმდეგ არასდროს წავლენ, თუმცა აღნიშნეს, რომ ამ პროცესების უკან პოლიტიკური ინტერესები იკვეთება.