დღეს ჰაკერული შეტევა განხორციელდა სახელმწიფო უწყებების, არასამთავრობო და კერძო ორგანიზაციების ვებსაიტებზე, სადაც მთავარ გვერდზე საქართველოს მესამე პრეზიდენტ მიხეილ საკააშვილის ფოტო წარწერით I’ll be back (მე დავბრუნდები) არის გამოსახული.
დაჰაკულია საერთო სასამართლოების საიტი, ასევე ვრცელდება ინფორმაცია, რომ ზუგდიდის რაიონულ სასამართლოს ვებ-გვერდზეც ანალოგიური ფაქტი დაფიქსირდა. ჩვენ შევეცადეთ გადაგვემოიწმებინა გავრცელებული ინფორმაცია, თუმცა სასამართლოში კომენტარისგან თავი შეიკავეს. ჰაკერული თავდასხმის მსხვერპლი საიტები მედიასაშუალებებიც გახდნენ, მათ შორის აღმოჩნდა ადგილობრივი ვებსაიტი zugdidelebi.ge რედაქციამ ფეისბუქ გვერდზე სპეციალური განცხადება გაავრცელა
სადაც ვკითხულობთ:
SOS! ამ დილიდან, ქართულ ელექტრონულ მედიასივრცეში, მასიურად ხორციელდება ჰაკერული შეტევა. კიბერშეტევის ობიექტი აღმოჩნდა ჩვენი საინფორმაციო პორტალი www.zugdidelebi.ge
პრობლემის აღმოსაფხვრელად მიმდინარეობს ტექნიკური სამუშაოები
გავრცელებული ინფორმაციით პრობლემა ორი ათასამდე ვებ-საიტს შეეხო.