საინფორმაციო სახის შეხვედრა ნატოს დღეების ფარგლებში სამხარეო ადმინისტრაციის შენობაში ჩატარდა, სადაც ევროატლანტიკური ინტეგრაციის საკითხებზე იმსჯელეს. შეხვედრა საგარეო საქმეთა სამინისტროს, ნატოსა და ევროკავშირის შესახებ საინფორმაციო ცენტრის ორგანიზებით ჩატარდა. როგორც ნატოში ინტეგრაციის დეპარტამენტის დირექტორი, დავით ნარდაია განმარტავს, შეხვედრა საინტერესოდ წარიმართა და მთავარი აქცენტები დღეს არსებულ და სამომავლო გეგმებზე გაკეთდა. „მეტი ნატო საქართველოში და მეტი საქართველო ნატოში“, – ამ ფრაზით შეაფასა შეხვედრა სამეგრელო – ზემო სვანეთის გუბერნატორის პირველმა მოადგილემ, დავით ფარცვანიამ. მისი თქმით, უმნიშვნელოვანესია მოსახლეობის ჩართულობა, რადგანაც სწორედ მათი გადაწყვეტილებაა საქართველოს ნატოში ინტეგრაცია. ნატოს დღეების ფარგლებში სხვადასხვა სახის აქტივობები მთელი საქართველოს მასშტაბით მიმდინარეობს.