ხელფასების გაზრდა დადიანების ისტორიულ-არქიტექტურული მუზეუმის თანამშრომლების უპირობო მოთხოვნაა, რომლითაც ისისნი კულტურის სამინისტროსა და პრემიერ-მინისტრს მიმართავენ. მოთხოვნა მუზეუმის თანამშრომლებმა დღეს მედიის თანხლებით გააჟღერეს და აღნიშნეს, რომ, თუ ეს მიმართვაც შედეგს არ გამოიღებს, ისევე, როგორც სხვა, უამრავი,მიმართავენ პროტესტის სხვა ფორმასაც და გაიფიცებიან. ხელფასების გაზრდის მოთხოვნას მუზეუმის დირექტორიც უერთდება, თუმცა გაფიცვის ფორმას ეწინააღმდეგება.

დღეს მუზეუმის შესასვლელთან შეკრებილებმა ჟურნალისტებს განუცხადეს, რომ არაერთი განცხადება დაწერეს აქამდე და რამდენჯერმე მიმართეს კულტურის სამინისტროს, თუმცა, პრობლემა ისევ პრობლემად დარჩა. მათი თქმით, ჰქონდათ მოლოდინი, რომ მათი მოთხოვნა  2020 წლის ბიუჯეტში მაინც იქნებოდა გათვალისწინებული, თუმცა შეცდნენ.

მუზეუმის თანამშრომელთა სახელფასო თანხები ასეთია:

მეთვალყურე – 244 ლარი

ექსკურსიამძღოლი – 280 ლარი

 ფონდის მცველი –  330 ლარი დირექტორის მოადგილე –   400 ლარი