დღეს 17:00 საათზე ზუგდიდში, ზვიად გამსახურდიას გამზირის № 31 -ში ოფიციალურად გაიხსნა VTB ბანკის ფილიალი, რომელიც რიგით მეორეა სამეგრელოს რეგიონში. ბანკის ოფისის სივრცე და აღჭურვილობა სრულად პასუხობს თანამედროვე სტანდარტებს, მომხმარებლისთვის აქ შექმნილია მაქსიმალურად კომფორტული გარემო, რომელიც მომსახურების მაღალ ხარისხთან ერთად უზრუნველყოფს მომხმარებლის მოზიდვას და ერთგულებას არჩეული ბანკისადმი. ახალი ფილიალის გახსნას დაესწრნენ სტუმრები ბანკის სათაო ოფისიდან, სამეგრელო-ზემო სვანეთის მხარის გუბერნატორი ლევან შონია და ადგილობრივი თვითმმართველობის სხვა წარმომადგენლები ფილიალის გახსნის ცერემონიალზე დასასწრებად ჩამოსულ VTB ბანკის მესვეურთა თქმით, ფილიალი გაიხსნა ბანკის განახლებული სტრატეგიის ფარგლებში, რომლის ერთერთი მიმართულებაა ფილიალების რიცხვის გაზრდა და ყველა ამ დროისათვის არსებულის გარემონტება. ისინი იმედოვნებენ, რომ ბანკი მნიშვნელოვან როლს შეასრულებს რეგიონის ეკონომიკურ ცხოვრებაში, რამდენადაც ხელმისაწვდომ საბანკო მომსახურებას შესთავაზებს ფიზიკურ და იურიდიულ პირებს, აქტიურად დააფინანსებს მსხვილ, საშუალო და მცირე აგრობიზნესს , რაც ხელს შეუწყობს რეგიონში ბიზნესსექტორის განვითარებას