ზუგდიდის მერია პასუხობს მოქალაქე ნათია კუტალიას, რომელმაც აბასთუმნის გზაზე არსებული ვითარება გადაიღო და სოციალურ ქსელში დადო.ვისეოში კარგად ჩანს, თუ რა მდგომარეობაა გზაზე, სადაც წვიმის დროს მანქანები ვერ გადაადგილდებიან და ვერც ფეხით მოსიარულეები. მერიის ინფორმაციით, აბასთუმნის ტერიტორიაზე მოხრეშვითი სამუშაოები დაიწყება.
,,ზუგდიდის მუნიციპალიტეტის აბასთუმანის ადმინისტრაციულ ერთეულში გზის საფარის სარეაბილიტაციო სამუშაოები ორ ეტაპად 2019-2020 წლებში ხორციელდება. სამუშაოების შემსრულებელმა კომპანიამ, სახელშეკრულებო ვალდებულების შესაბამისად, 2019 წელს განსაზღვრული პირველი ეტაპის სამუშაოები უკვე განახორციელა. პროექტის მეორე ეტაპის განხორციელება კი, რაც მოიცავს გზის მშენებლობის მთლიანად დასრულებას, იანვრიდან დაიწყება.
რაც შეეხება გზის დაზიანებულ მონაკვეთს, სადაც მოქალაქეებს გადაადგილების დროს პრობლემა ექმნებათ, ზუგდიდის მერია მოხრეშვით სამუშაოებს განახორციელებს, რათა მოქალაქეებს აღნიშნულ მონაკვეთზე საავტომობილო მოძრაობა გაუმარტივდეთ,, – განმარტავენ მერიაში.