ზუგდიდში, დადიანების მუზეუმის უკან, ე.წ. ფრანგულ პარკში ძროხები მასიურად ბალახობენ.
ის, რომ პირუტყვი ქალაქში სკვერებსა და ცენტრალურ ქუჩებში ხშირად დადის, ახალი ამბავი არაა, თუმცა, მერამდენედ დასმული პრობლემის აღმოფხვრა დღემდე არ მომხდარა.
აქ ბავშვების გასართობი ადგილია და ყოველდღიურად უამრავი ადამიანი იყრის თავს. რამდენიმე დღის წინ “ოდიშინიუსმა” ძროხების სიმრავლე ახალგახსნილ ვეტერანთა პარკშიც დააფიქსირა.