რუსთავი2-ის ცნობით,  მარნეულის  რაიონის სოფელ ყიზილაჯლოში 48-ე უბანზე ხელჩართული ჩხუბი მოხდა.

როგორც არასამთავრობო ორგანიზაცია ახალი თაობა – დემოკრატიული არჩევნების წარმომადგენელმა რუსთავი 2 – ის გადამღებ ჯგუფს განუცხადა, ის უბანზე მას შემდეგ მივიდა, რაც მიიღო ინფორმაცია არსებულ დარღვევებთან დაკავშირებით. კერძოდ, მისი განცხადებით, უბანზე მარკირების გარეშე მიმდინარეობდა ხმის მიცემის პროცესი და დამკვირვებლებს არ აძლევდნენ მუშაობის საშუალებას.

მისვლის შემდეგ 48-ე უბანზე მესამე სექტორის წარმომადგენელმა 20 კაცამდე დაჯგუფება შენიშნა და უბნის თავმჯდომარეს ვითარების გარკვევა სთხოვა, თუმცა მალევე საარჩევნო უბნის შესასვლელ კართან ხელჩართული ჩხუბი დაიწყო.

ორგანიზაცია ახალი თაობა – დემოკრატიული არჩევნების წარმომადგენლისთვის უცნობია, რომელი პარტიის მხარდამჭერები მონაწილეობდნენ ინციდენტში. ვითარება  მხოლოდ პოლიციის მივლის შემდეგ განიმუხტა. თუმცა ამ ინფორმაციის გავრცელებიდან რამდენიმე წუთში მოვიდა ახალი შეტყობინება რომ უბანს ხელკეტებითა და ქვებით არბევენ