პარლამენტში მთავრობისთვის ნდობის გამოცხადების პროცესი გრძელდება, დღეს მთავრობის შემადგენლობას „ნაციონალური მოძრაობის“ და „ევროპული საქართველოს“ წევრები ფრაქციების ფორმატში მოუსმენენ.

პირველი შეხვედრა 12:00 საათზე „ნაციონალური მოძრაობის“ ფრაქციის ფორმატში გაიმართება, რომელსაც მთავრობის სრული შემადგენლობა პრემიერ-მინისტრობის კანდიდატის ხელმძღვანელობით დაესწრება. შეგახსენებთ, „ნაციონალური მოძრაობა“ ბოიკოტის გამო, მთავრობის ახალი შემადგენლობის კანდიდატებთან შეხვედრას არ აპირებდა, თუმცა 5 სექტემბერს, ფრაქციის სხდომაზე, მათ გადაწყვეტილება შეცვალეს.

დღის მეორე ნახევარში მთავრობის შემადგენლობის მოსმენა უკვე „ევროპული საქართველოს“ ფრაქციების ფორმატში გაიმართება. შეხვედრა 16:00 საათზე დაიწყება.