ზუგდიდის მუნიციპალიტეტში, თეთრი გიორგის ქუჩაზე მიმდინარე სამუშაოებისას კანალიზაციის მილი გასკდა და ფეკალური მასა სასმელი წყლის ჭაში ჩაიღვარა.vადგილობრივები აცხადებენ,რომ მოწამლულია რამდენიმე ადამიანი, მათ შორის მცირეწლოვანი ბავშვი და ისინი ზუგდიდის ინფექციურ საავადმყოფოში მკურნალობენ.როგორც მედიკოსები აცხადებენ, მათ სიცოცხლეს ამ ეტაპზე საფრთხე არ ემუქრება და შესაბამის მკურნალობის კურსს გადიან, ხოლო ბავშვი გადაყვანილiა ქუთაისის ბავშვთა საავადმყოფოში.ადგილზე მობილიზებული იყო  პოლიცია და ზუგდიდის მერიის შესაბამისი სამსახურები. მერის გიორგი შენგელიას თქმით, აღნიშნული საკითხის შესწავლა მიმდინარეობს, ხოლო სანამ პრობლემა მოგვარდება კომპანია უზრუნველყოფს მოსახლეობის სასმელი წყლით მომარაგებას.ადგილზე კომპანიის წარმომადგენელიც იმყოფებოდა, რომელმაც განაცხადა, რომ პასუხისმგებლობას კომპანია ვერ აიღებს და წყლით მომარაგება მხოლოდ სოლიდარობის გამო გააკეთეს. შსს ინფორმაციით, წყლით მოწამვლის ფაქტზე გამოძიება სისხლის სამართლის კოდექსის 188-ე მუხლით მიმდინარეობს, რაც გაუფრთხილებლობით ნივთის დაზიანებას გულისხმობს.