ზუგდიდი- ჯვარი- მესტიის გზაზე, ავტოავარიის დროს დაშავებული 60 წლამდე ქალის მანანა დავარაშვილის ჯანმრთელობის მდგომარეობა კრიტიკულია. ამის შესახებ ინფორმაციას ზუგდიდის რეფერალური საავადმყოფო ავრცელებს: “ შემოყვანილ იქნა შუახანს გადაცილებული ქალბატონი,ავტოსაგზაო შემთხვევის შედეგად,უკიდურესად მძიმე მდგომარეობაში ,დიაგნოზით: პოლიტრავმა,ქალა- ტვინის ღია ტრავმა,თავის ტვინის დიფუზური დაზიანება,თავის ტვინის ტრავმული შეშუპება,ტრავმული ეპიდურული ჰემატომა.გულმკერდის დახურული ტრავმა,ფილტვების დაჟეჟილობა,კომა,სუნთქვის მწვავე უკმარისობა. ავადმყოფს სასიცოცხლო ჩვენებით ჩაუტარდა რეზექციული დეკომპრესიული ტრეპანაცია. ამჟამად მდგომარეობა უკიდურესად მძიმეა,იმყოფება კრიტიკული მედიცინის განყოფილებაში მართვით სუნთქვაზე. უგრძელდება ინტენსიური თერაპია.”- განაცხადა რეფერალური საავადმყოფოს კლინიკურმა მენეჯერმა სულხან ორჟონიამ. დაშავებული ქალის მეგობრის თქმით, მანანა მერსედესის მარკის ავტომობილით მეგობართან ერთად მესტიიდან ზუგდიდის მიმართულებით მგზავრობდა,რა დროსაც მათი ავტომობილი მწყობრიდან გამოვიდა და შეეჯახა ოპელის ტიპის მარკის ავტომობილს. შსს-ში აცხადებენ,რომ გამოძიება დაწყებულია 276-ე მუხლის მეორე ნაწილით,რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს,რამაც რამაც ჯანმრთელობის მძიმე დაზიანება გამოიწვია, ავარია აღნიშნულ გზის მონაკვეთზე ორი დღის წინ მოხდა.