ზუგდიდის მუნიციპალიტეტში, თეთრი გიორგის ქუჩაზე მიმდინარე სამუშაოებისას კანალიზაციის მილი გასკდა და ფეკალური მასა სასმელი წყლის ჭაში ჩაიღვარა.
ადგილობრივები აცხადებენ,რომ მოწამლულია რამდენიმე ადამიანი, მათ შორის მცირეწლოვანი ბავშვი და ისინი ზუგდიდის ინფექციურ საავადმყოფოში მკურნალობენ.
როგორც მედიკოსები აცხადებენ, მათ სიცოცხლეს ამ ეტაპზე საფრთხე არ ემუქრება და შესაბამის მკურნალობის კურსს გადიან, ხოლო ბავშვი გადაყვანილოა ქუთაისის ბავშვთა საავადმყოფოში.
ადგილზე მობილიზებულია პოლიცია და ზუგდიდის მერიის შესაბამისი სამსახურები.
