ქართული ოცნების ოფისში მმართველი გუნდის სხდომა დასრულდა. როგორც ცნობილი გახდა, სამთავრობო ცვლილებებთან დაკავშირებით ვრცელ განცხადებას ორშაბათს პრემიერი მამუკა ბახტაძე გააკეთებს.
გია ვოლსკის თქმით, არსებობს გადაწყვეტილება, რომლის გარშემოც გუნდის ყველა წევრი ერთსულოვანია.
„გაცილებით უფრო სიღრმისეული დაპირისპიება მიდის პოლიტიკურ ველზე და ჩვენ არ გვინდა ამას საზოგადოებაში დაპირისპირების ნიშნები მიიღოს. ამიტომ ჩვენ წამოვწიეთ საარჩევნო საკითხები. ჩვენმ გვქონდა შეხვედრა ოპოზიციის წარმომადგენლებთან და საკმაოდ კონსტრუქციული მსჯელობა გვქონდა“ – განაცხადა ვოლსკიმ
პარლამენტის იურიდიულ საკითხთა კომიტეტის ხელმძღვანელმა, ანრი ოხანაშვილმა „ სხდომის შემდეგ განაცხადა, რომ გუნდში იყო სამთავრობო ცვლილებებზე საუბარი, რომელიც ეტაპობრივად გაჟღერდება.
„მოვლენებს წინ ნუ გავუსწრებთ. ჩვენ დღეს საინტერესო შეხვედრა გვქონდა. ვიმსჯელეთ, ვითათბირეთმთელ რიგ საკითხებთან დაკავშირებით. უფრო მეტ ინფორმაციას გაიგებთ ეტაპობრივად, ხვალ გეცოდინებათ უფრო მეტი, ზეგ კიდევ უფრო მეტი და აშ. – განაცხადა ანრი ოხანაშვილმა.