სამხრეთ ოსეთის ყოფილი ე.წ. ვიცე-პრემიერი,საბაჟო სამსახურის რუსი გენერალი დიმიტრი კოზაევი ეხმიანება სოფელ უისტას მახლობლად ქართული საგუშაგოს გახსნას და დაწვრილებით ხსნის, თუ რატომ გაკეთდა იქ საგუშაგო და რატომ არის მხოლოდ საპოლიციო.
„როცა მე ვიყავი ვიცე-პრემიერი, აქ მოვიდნენ დელეგაციები ჩინეთიდან და ევროპიდან – ესპანეთიდან და იტალიიდან. როცა მოვიდა ჩინური დელეგაცია, იპოვეს მწვანე ფერის ქვა, მერაბ ზასაევმა (ე.წ. სამხრეთ ოსეთის ნაციონალური მუზეუმის დირექტორი) შეაფასა უფრო მნიშვნელოვნად, რომლისგანაც შეიძლება დაამზადო მრავალგვარი ინსტრუმენტები. ძალიან მოთხოვნადია არა მხოლოდ რუსეთში, არამედ მთელს მსოფლიოში. შესაძლებელია ააშენო მომგებიანი საწარმო.“- განაცხადა კოზაევმა.
კოზაევის თქმით, ისინი ჩინეთის დელეგაციის წარმომადგენლებთან ერთად იყვნენ იმ ხეობაში, სადაც მდებარეობს ტალკის საწარმო.
„გეო-ადგილმდებარეობის მიხედვით დადგინდა, რომ ჩვენ საქართველოში ვართ. ჩინელები არ მიიჩნევდნენ სამხრეთ ოსეთს საქართველოს შემადგენლობაში. მათ იცოდნენ, რომ სამხრეთ ოსეთი სამხრეთ ოსეთია, საქართველო კი – საქართველო. მაგრამ ზუსტად იმ ადგილას, სადაც იყო საბადოები, მაშინ გეო-პოზიციამ აჩვენა, რომ ეს ტერიტორია ქართული მხარის კონტროლის ქვეშ იყო. მაგრამ ეს ჩვენი ტერიტორიაა. მე დავწერე მემორანდუმი, გავუგზავნე პრეზიდენტს, დავსვი შეკითხვა მთავრობაში, რომ სასწრაფოდ გვჭირდება ჩვენი საზღვრების იდენტიფიცირება, რომ ხვალ ძალიან გვიან იქნება. საკითხი ეხებოდა დაახლოებით ორი კილომეტრის ტერიტორიას, თუმცა არაფერი გაკეთებულა, ”- აცხადებს კოზაევი. მისი თქმით, საგუშაგო პოლიციური ქვედანაყოფისაა, რადგან თუ სასაზღვრო იქნებოდა, მაშინ ეს იმას ნიშნავდა, რომ სამხრეთ ოსეთთან საზღვარი თავისთავად იარსებებდა.