2008 წლიდან 11 წლისთავზე ზუგდიდში აგვისტოს ომში დაღუპულთა მემორიალი გაიხსნა.ოფიციალური გახსნის ცერემონიალს ზუგდიდის მერი გიორგი შენგელია, სამეგრელო-ზემო სვანეთის გუბერნატორი ალექსანდრე მოწერელია და ადგილობრივი ხელისუფლების სხვა წარმომადგენლები ესწრებოდნენ. აქვე იმყოფებოდნენ აგვისტოს ომში დაღუპული ჯარისკაცების ოჯახის წევრები ახლობლები, რომლებმაც მემორიალი ყვავილებით შეამკეს.
2008 წლის ომს სამეგრელოდან 37 ადამიანის სიცოცხლე შეეწირა. საქართველოს წინააღმდეგ რუსეთის სამხედრო აგრესიის შედეგად დაიღუპა ასობით ადამიანი, 30 ათასამდე ჩვენი მოქალაქე კი საკუთარ სამშობლოში დევნილი გახდა. აგვისტოს ომში 4 ზუგდიდელი ჯარისკაცი დაიღუპა.
კაპიტანი კობა სერგია და კაპრალები: სერგეი გოროზია, დავით ჯიქია და ბადრი ბერანძე.