გალში მიმდინარეობს მორიგი შეხვედრა ინცინდენტების პრევენციისა და მათზე რეაგირების მექანიზმების ფარგლებში, ეს უკვე მეოთხეა ოთხწლიანი პაუზის შემდეგ განახლებული შეხვედრების რიგში.
ქართულ მხარეს წარმოადგენენ სახელმწიფო უსაფრთხოების სამსახურის ანალიტიკური დეპარტამენტის, შერიგებისა და სამოქალაქო თანასწორობის საკითხებში სამინისტროს წარმომადგენლები. მათთან ერთად იმყოფება ევროკავშირის სადამკვირვებლო მისიისა და გაეროს სპეციალური წარმომადგენელი საქართველოში.
ვრცელდება ინფორმაცია, რომ ქართული მხარე კიდევ ერთხე დააყენებს განსახილველად გიგა ოთხოზორიას მკვლელობაზე რეაგირების საკითხს, რაც პირველივე შეხვედრიდან უცვლელად დგას დღის წესრიში, თუმცა რაიმე წინსვლაზე ლაპარაკი არ არის. როგორც მხარეები აცხადებენ ამ ეტაპზე რეალური შედეგები მიღწეული არ არის და კვლავ ბევრი კითხვაა პასუხგაუცემელი. ხურჩაში მომხდარ მკვლელობასთან დაკავშირებით საოკუპაციო რეჟიმი საქართველოს ხელისუფლებისგან დამატებით მასალებს ითხოვს და თავის პირობებს აყენებს.
არის მოლოდინი , რომ ქართული მხარე, შეხვედრაზე ასევე კვლავ დააყენებს უკანონო პატიმრობაში მყოფი გიორგი ლუკავას გათავისუფლების საკითხსაც.