პარლამენტის პლენარული სხდომა 13.00 საათისთვის იყო ჩანიშნული, მაგრამ კვორუმის პრობლემის გამო ჯერაც არ დაწყებულა – ჯერ მხოლოდ 14 დეპუტატია მისული.
შესაბამისად ეჭვქვეშ დგება ეყრება თუ არა კენჭი პრეზიდენტის მიერ უზენაესი სასამართლოს მოსამართლის თანამდებობაზე წარდგენილ კანდიდატებს – ლევან ბოძაშვილს, ნონა თოდუასა და თამარ ლალიაშვილს, რაც სხდომის დღის წესრიგით არის გათვალისწინებული,
საქართველოს პარლამენტის ყველა წევრის, როგორც უმრავლესობის ისე უმცირესობის, კანონიერი მოვალეობაა ბრძანდებოდნენ აქ – განაცხადა ჟურნალისტებთან საუბარში პრეზიდენტის საპარლამენტო მდივანმა ანა დოლიძემ, რომელიც ქუთაისში, იმყოფება.
დღეს იგი პარლამენტში უზენაესი სასამართლოს მოსამართლის თანამდებობაზე პრეზიდენტის მიერ წარდგენილ კანდიდატებთან ერთად მივიდა
„როგორც კანონი მოითხოვს, ჩვენ უკვე მეექვსედ გამოვცხადდით პარლამენტში იმისთვის, რომ საკანონმდებლო ორგანომ კენჭი უყაროს უზენაესი სასამართლოს მოსამართლეობის კანდიდატებს. პატრლამენტის წევრების ვალდებულებაა შეავსონ ის სამი ვაკანსია, რომელიც აგერ უკვე ექვსი თვეა საქართველოს უზენაეს სასამართლოშია. ამის გამო პირდაპირ ზარალდება ის ხალხი, ვისაც სარჩელი აქვს უზენაეს სასამართლოში,“ – განაცხადა ანა დოლიძემ