ნაციონალური მოძრაობის აღმასრულებელმა მდივანმა სერგო რატიანმა და პარტიის სხვა წარმომადგენლებმა მუხიანში მაჟორიტარი დეპუტატობის კანდიდატად გიორგი ბარამიძე წარადგინეს.მათ ადგილობრივ მოსახლეობას ის გეგმა გააცნეს, რომელიც ქვეყნის ეკონომიკური კრიზისიდან გამოყვანას გულისხმობს. სერგო რატიანი მუხიანელებს იმ ინფრასტრუქტურული პროექტების განხორციელებას დაჰპირდა, რომელიც ამ დროისთვის შეჩერებულია.„ტყუილების, უნიათობის, უკუსვლის, განუკითხაობის პერიოდი ქვეყანაში უდნა დასრულდეს და მხარი უნდა დავუჭიროთ იმ გუნდს, რომელსაც აქვს კონკრეტული გეგმა ქვეყნის კრიზისიდან გამოსაყვანად, რომელსაც აქვს ზუსტი ხედვა თუ როგორ უნდა განვითარდეს ბიზნესი იმისთვის, რომ შეიქმნას სამუშაო ადგილები, რომ პენსიონერს ჰქონდეს ნორმალური პენსია, რომ ჩვენს ქვეყანაში განახლდეს ის საქმიანობა, მათ შორის ის ინფრასტრუქტურული პროექტები, რომელმაც უნდა გამოიყვანოს ქვეყანა ეკონომიკური კრიზისიდან,“- განაცხადა გია ბარამიძემ.