უზბეკეთის ხელისუფლებამ გუშინ, გვიან საღამოს გაავრცელა ოფიციალური პრეზიდენტ ისლამ ქარიმოვის გარდაცვალების შესახებ და ქვეყანაში სამდღიანი გლოვა გამოაცხადა.
ქარიმოვის ცხედარი უკვე გადაასვენეს ტაშკენტიდან მშობლიურ ქალაქ სამარყანდში, სადაც დაკრძალვის ცერემონია გაიმართება. სამგლოვიარო კორტეჟს ტაშკენტის ქუჩებში ადგილობრივები ყვავილებით ხელში მიაცილებდნენ.
.უზბეკეთში ისლამ კარიმოვის დაკრძალვის ცერემონიალისთვის ემზადებიან. უკვე ცნობილია, რომ მასზე დასასწრებად რამდენიმე ქვეყნის დელეგაცია ჩავა.
დამკრძალავ კომისიას სათავეში ჩაუდგება პრემიერი შავქეთ მირზიაევი, რომელიც ექსპერტების მიერ დიდი ხანია ქარიმოვის შესაძლო შემცვლელად სახელდებოდა.
პრემიერი მერზიაევი 59 წლისაა, წარმოშობით ჯიზაქის ოლქიდან. ადრე იგი ჯიზაქისა და სამარყანდის ოლქების გუბერნატორი იყო, 2003წლიდან კი მთავრობის მეთაურია. პოლიტიკური ექპერტიზის საერთაშორისო ინსტიტუტის კვლევაში მირზიაევი დახასიათებულია როგორც ზომიერი პოლიტიკოსი და ქარიმოვის მიმართ ლოიალური ადამიანი. ეს პლიუსია მისი ქარიმოვის ადგილმონაცვლედ დანიშვნისათვის, რადაგან იგი დიდი ალბათობით გააგრძელებს ყოფილი პრეზიდენტის პოლიტიკას და დაიცავს შეთანხმებას მის ოჯახთან , მაგრამ ამავე დროს ეს მინუსიც არის, რადგან თუ მისი დანიშვნის ოპერაციაში რაღაც ისე არ წავიდა, ხელისუფლებისათვის კლანებს შორის მიმდინარე ფარული ბრძოლა შეიძლება ღია დაპირიპირებაში გადაიზარდოს – ნათქვამია კვლევის ანგარიშში.
ეს უკანასკნელი ხსნის იმის მიზეზს, თუ რატომ ვრცელდებიდა ბოლო დღეებსი სრულიად განსხვავებული ინფორმაცია ქარიმოვის მდგომარეობასთან დაკავშირებით – გარდაცვალება. გარდაცვალების უარყოფა. კლინიკური სიკვდილი. ინსულტი განკურნების პერსპექტივით.
როგორც ჩანს, ამით დროის იგებდნენ ქარიმოვის მემკვიდრედ მირზიაევის დასახელების მოწინააღმდეგეთა გასანეიტრალებლად. მართალია მირზიაევი მემკვიდრედ ჯერ არ დასახელებულა, მაგრამ ის, რომ დამკრძალავ კომისიას სწორედ იგი ჩაუდგა სათავეში, საბჭოთა ტრადიციისამებრ სწორედ ამ მოლოდინს ბადებს.