სეპარატისტულ;ი აფხაზეთის დელეგაცია ერთ სუფრაზე სომხეთის პრეზიდენტთან სერჟ სარგისიანთან.  ყარაბაღში აფხაზეთის დელეგაციის პერმანენტული ვიზიტების შემდეგ, რაც წლებია გრძელდება,  ამ ფაქტში უკვე არაფერი იქნებოდა უჩვეულო და გასაკვირი, რომ არა ფოტოები, რომელზედაც აფხაზეთის დელეგაციის წევრები     სერჟ სარგისიანთან ერთად არიან დაფიქსირებული. ფოტოები  სოციალურ ქსელში აფხაზეთის ე.წ. საგარეო საქმეთა მინისტრის მოადგილემ კან თანიამ  გაავრცელა.  ფოტოებს თან ერთვის კან თანიას კომენტარი: ,, მთიანი ყარაბაღის რესპუბლიკის პრეზიდენტის  საზეიმო მიღება რესპუბლიკის შექმნის 25 წლისთავთან დაკავშირებით. ფოტოზე აფხაზეთის დელეგაცია მიესალმება სომხეთის პრეზიდენტს სერჟ სარგისიანს და მთიანი ყარაბაღის რესპუბლიკის პრეზიდენტს ბაქო სააკიანს''.  

კან ტანიას ინფორმაცია ინტერნეტში დღეს დილის 7 საათზე განთავსდა. 

საქართველოს ხელისუფლებას ამ ფაქტზე კომენტარი ჯერაც არ გაუკეთებია  

 

სეპარატისტული აფხაზეთის დელეგაცია  ვიცე-პრეზიდენტ ვიტალი გაბნიას ხელმძღვანელობით მეორე დღეა მთიან ყარაბაღში იმყოფება.

იგი მთიანი ყარაბაღის ე.წ. დამოუკიდებლობის 25 წლისთავთან დაკავშირებულ ღონისძიებაზე სეპარატსტული ხელისუფლების მიწვევითაა ჩასული.  

 აფხაზეთის ე.წ. პრეზიდენტის ვებ-ვერდზე გავრცელებული  ინფორმაციის თანახმად, აფხაზეთის დელეგაცია ყარაბაღში 4 სექტემბრამდე დარჩება და ვიზიტის ფარგლებში სხვადასხვა შეხვედრებს გეგმავს. აფხაზეთის მედიის ცნობით,  დამოუკიდებლობის დღისადმი მიძღვნილი ღონისძიებების პარალელურად  აფხაზეთის ე.წ. დელეგაციამ მონაწილეობა მიიღო სხვადასხვა შეხვედრებში, იგი უკვე შეხვდა  „სამხრეთ ოსეთის“ და არაღიარებული დნესტრიპირეთის ე.წ. დელეგაციების წარმომადგენლებსაც.