გონიოში, წვრთნების დროს დაკარგული იაგო შარაძის ოჯახის წევრების ნაწილი დღეს დაგეგმილი ცერემონიის გამო უკმაყოფილებას გამოთქვამს. შარაძის ბაბუა და ბებია აცხადებენ, რომ მათთვის მისაღები იქნებოდა პატივის მიგების ცერემონიის გამართვა მხოლოდ ცხედრის პოვნის შემდეგ.
შარაძის დედა ელენე მაკრიდისი შიმშილობას აგრძელებს და აცხადებს, რომ პროტესტის უკიდურეს ფორმას იქამდე არ შეწყვეტს, სანამ სამძებრო ღონისძიებები არ განახლდება. ამის პარალელურად, ელენე მაკრიდისი მოხარულია, რომ მისი შვილის სულისთვის პატრიარქი ილოცებს.
ვლადიმერ შარაძე კი თავდაცვის სამინისტროს თხოვნით მიმართავს, გააგრძელოს სამძებრო ღონისძიებები. გონიოში საქართველოს კათალიკოს-პატრიარქი იმყოფებოდა.ილია მეორემ ოჯახის წევრები დალოცავა, რის შემდეგაც ზღვაში დაკარგული სამხედრო მოსამსახურეების პატივის მიგების ცერემონიალი გაიმართა. ღონისძიებას თავდაცვის მინისტრი, სამინისტროს წარმომადგენლები და სამხედრო მოსამსახურები დაესწრნენ. ცერემონიალში მონაწილეობას მიიღეს ასევე საქართველოს შინაგან საქმეთა სამინისტროს სასაზღვრო პოლიციის სანაპირო დაცვის თანამშრომლებმა, რომლებმაც დაკარგული სამხედროების პატივის მისაგებად ზღვაში ორ გვირგვინი ჩაუშვეს.