ზუგდიდის ცენტრში დღეს გამთენიისას სუპერმარკეტი „სანდეი“ დააყაჩაღეს. მაღაზიაში სამი შეიარაღებული პირი შეიჭრა. ერთ-ერთი ვერსიით, წაღებულია მთელი დღის ნავაჭრი თანხა, დაახლოებით, 5 ათასი ლარი, ასევე პროდუქტის ნაწილი.
შემთხვევის ადგილზე მუშაობდნენ კრიმინალისტები, ასევე კინოლოგები. უკვე დაიკითხნენ სუპერმარკეტის თანამშრომლები. სამართალდამცავების მიერ უკვე ამოღებულია მაღაზიის სათვალთვალო კამერიდან ვიდეოჩანაწერები.