სართანიას თქმით, ეს მისი პირადი გადაწყვეტილებაა, უახლოეს დღეებში ის სხვა პარტიის წევრი გახდება და საზოგადოებას უკვე ოფიციალურად ეცნობება სიახლის შესახებ. 

„მე ამ მატყუარებთან არაფერი არ მაკავშირებს. ესენი არიან მატყუარები. ხალხს ატყუებენ და მე ვერ ვიტან ხალხის მოტყუებას. ბევრ რაღაცაში ატყუებდნენ. ახლა რაც ვმუშაობ, ბევრი მოტყუებული მოვიდა ჩემთან. დადიოდნენ, პრობლემები ქონდათ. უნდა მოეგვარებინა ადგილობრივ ხელისუფლებას და კის ეუბნებოდნენ, მერე უარია. ესეთი მიდგომა არ შეიძლება. არ უნდა ეთამაშო მოსახლეობას“.- აცხაებს იგი. 

,,ლაივპრესის'' კითხვის პასუხად, თუ ვის გულისხმობს, როცა ამბობს, რომ „მოატყუა“, პასუხობს – ვინც არის ხელმძღვანელობა, ვისაც პასუხისმგებლობა ეკისრება. გამგებლის მოვალეობის შემსრულებლის თქმით, „ქართული ოცნებაც“ დაშორდა მოსახლეობას, „მოწყდნენ რეალობას“, როგორც თავის დროზე „ერთიანი ნაციონალური მოძრაობა“.

„არ ვიცი რა ხდებოდა, არ არის გამართლება. უნდა ცოდნოდა ყველაფერი. განცხადებებია… აი ეს არის მიზეზი და თავი და თავი. ნაცები უფრო უარესს შვებოდნენ, ესენი ფსიქოლოგიურად ანადგურებენ“.

გურგენ სართანიას თქმით, თუკი პარტიაში, რომელშიც გაწევრიანდება, შესთავაზებენ იყაროს კენჭი გამგებლის პოზიციაზე, აღნიშნა, რომ დათანხმდება.

„კენჭს ვიყრი და დავამარცხებ ყველას“.

 

გურგენ სართანია  2013 წლის 3 იანვრიდან 2014 წლის 14 ივლისამდე ზუგდიდის მუნიციპალიტეტის გამგებლის მოადგილის მოვალეობას ასრულებდა, 2014 წლის ივლისიდან კი,ზუგდიდის მუნიციპალიტეტის გამგებელის მოადგილე იყო. ზუგდიდის მუნიციპალიტეტის გამგებლის ედიშერ თოლორაიას გადადგომის შემდეგ  ( ედიშერ თოლორაია „ქართული ოცნება – დემოკრატიული საქართველოს“ მაჟორიტარი დეპუტატობის კანდიდატია ზუგდიდის მუნიციპალიტეტში)  დღემდე ასრულებდა გამგებლის მოვალეობას.

 

http://www.livepress.ge/ka/akhali-ambebi/article/15936-gurgensarthaniaqarthulocnebasdagamgeblisthanamdebobastovebs.html