რუსეთის ქალაქ კრასნოდარში  ქართველ ბიზნესმენს მინდია გულუაზე შეიარაღებული თავდასხმა მოხდა.
გულუა  პირადი დაცვის თანხლებით  ერთად ქალაქის ერთ–ერთ ცენტრალურ პროსპექტზე მდებარე საცხოვრებელი სახლის სადარბაზოდან გამოდიოდა, იმყოფებოდა, როცა  მოულოდნელად მიუახლოვდნენ   შეიარაღებული მამაკაცები და  ცეცხლსასროლი იარაღიდან ესროლეს.  გულუა ამჟამად საავადმყოფოშია მოთავსებული, იგი  მუცლის არეშია დაჭრილი,  მას სასწრაფო ოპერაცი გაუკეთდა, მაგრამ ექიმების შეფასებით, მისი მდგომარეობა მძიმეა. შემთხვევის ადგილის მიმდებარე სახლის მცხოვრებლები ამბობენ, რომ ავტომატი ჯერი არ გაუგონიათ,   თითო – ოროლამ გაიგონა მხოლოდ მსუბუქი ტკაცანის ხმა, საგამოძიებო ჯგუფი ვარაუდობს, რომ გასროლა მაყუჩიანი იარაღიდან მოხდა.  

მცირე ხნის შემდეგ მიკრორაიონის მეორე ბოლოში, შემთხვევის ადგილიდან რამდენიმე კილომეტრში ავტომობილი აალდა. სამართალდამცავი ორგანოების ცნობით,  თავდამსხმელმა საკუთარი ავტომობილი დაწვა და სხვა მანქანაში გადაჯდა, რის შემდეგაც ადგილიდან მიიმალა. დამწვარი ავტომობილის უკანა სავარძელზე მაყუჩიანი ავტომატი იპოვეს, რამაც სამართალდამცველებს მისცა ამ ორი ფაქტის ერთმანეთთან დაკავშირების საფუძველი.  

 რუსული პრესის ცნობით, 47 წლის მინდია გულუა კრასნოდარში არყის ქარხანას ფლობს. იგი ოთხი კომპანიის,  მათ შორის არაყ ,,ლადოჟსკაიას'' მწარმოებელი კომპანიის დამფუძნებელია,მას კრასნოდარის მხარეში ,,არყის მეფეს'' ეძახიან, გარდა ამისა  ეწევა მანქანებით  საბითუმო ვაჭრობას, ფლობს საქვაბე და ელქსელების მომსახურების  სისტემას, შემოსავლები აქვს პოლიგრაფიული საქმიანობიდან.  

მასზე  თავდასხმის მცდელობა 2009 წელსაც განხორციელდა, მაშინ ბიზნესმენის ავტომობილი ააფეთქეს.