"ნაციონალური მოძრაობა" სამართალდამცავებს ფოთში პარტიულ საქმიანობაში ხელის შეშლაში სდებს ბრალს/
პარტიის ფოთის ახალგაზრდული ორგანიზაციის წევრების განცხადებით, ბოლო რამდენიმე კვირაა პოლიცია მათ ყველგან აჩერებს და ყოველგვარი განმარტების გარეშე ნარკოლოგიურ შემოწმებებზე გადაჰყავთ. ნარკოთრობა არ დაუდგინდათ, თუმცა პოლიცია მათ ანალიზების პასუხებამდე არ ათავისუფლებს.
ერთიანი ნაციონალური მოძრაობის ფოთის მაჟორიტარი დეპუტატობის კანდიდატის ბექა ბასილაიას განცხადებით, პარტიის ახალგაზრდული ორგანიზაციის წარმომადგენლების სისტემატური ნარკოტესტირება პარტიის საქმიანობის შეფერხებისა და წევრების დაშინების მიზნით ხდება.
ბასილაია ირწმუნება, რომ წინაასაარჩევნოდ მის მომხრეებს მთავრობის დავალებით სამართალდამცველები აშანტაჟებენ.
ბექა ბასილაიას მტკიცებით ნარკოტესტირებაზე გადაყვანილ აქტივისტებთან შეხვედრის უფლება სამართალდამცველებმა მას, როგორც დაკავებულების ადვოკატს, არ მისცეს – ,,3 აქტივისტი 4 საათის განმავლობაში პოლიციის შენობაში დამცველის გარეშე ყავდათ და მათ არავისთან კონტაქტის საშუალებას არ აძლევდნენ.'' – აცხადებს იგი