მთავარისიახლეებისაზოგადოება„დედა დარჩი მარტო, მაგრამ რა ვქნა"- დემურ სტურუას ხელწერით სტენსილი ზუგდიდის ქუჩებში...

„დედა დარჩი მარტო, მაგრამ რა ვქნა”- დემურ სტურუას ხელწერით სტენსილი ზუგდიდის ქუჩებში და აქცია ძალადობის წინააღმდეგ

Published on

სტენსილი, რომელზეც 22 წლის დემურ სტურუას თვითმკვლელობამდე დაწერილი წერილის ბოლო სიტყვები „დედა დარჩი მარტო, მაგრამ რა ვქნა" ისევე როგორც საქართველოს სხვა ქალაქებში, ზუგდიდშიც გამოჩნდა,სადაც მისივე ხელწერაა დატანებული…  „ეს ერთი წინადადება ათასობით გაუბედურებული ადამიანის ამბავია. ადამიანების, ვისაც სახელმწიფო და პოლიცია ატერორებს, აშინებს და კლავს. დემურ სტურუას ტრაგედია უკანასკნელი წვეთი უნდა იყოს მახინჯი ნარკოპოლიტიკის გამო დაღუპული ადამიანების ოკეანეში. ეს წინადადება ყველა კედელზე, ყველა ქალაქში უნდა დავწეროთ – რომ არ დაგვავიწყდეს, რომ მეტი აღარ დავუშვათ, რომ შევცვალოთ.„ სწორედ ამ მოტივით თეთრი ხმაურის მოძრაობა" დღეს  სამტრედიაში აქციას გეგმავს.აქციის მთავარი მოთხოვნებია:
1. პასუხისმგებლობაში მიეცეს პოლიციელი გოდერძი თევზაძე და მისი მეწყვილე, რომლის ვინაობასაც პოლიცია ამ დრომდე ასაიდუმლოებს.
2.თანამდებობა დატოვოს სამტრედიის რაიონული პოლიციის უფროსმა.
3. შსს-ს მინისტრმა საზოგადოებრივი ორგანიზაციების თანამონაწილეობით შექმნას მონიტორინგის ჯგუფი, რომელიც თბილისსა და რეგიონებში პოლიციის მხრიდან ძალის გადამეტებისა და შანტაჟის პრაქტიკებს შეისწავლის.
4. დაუყოვნებლივ გადაიდგას ქმედითი ნაბიჯები რეპრესიული ნარკოპოლიტიკის შესაცვლელად.
ორგანიზაციის ინფორმაციით, აქცია 17:00 საათზე სამტრედიის  პოლიციის შენობასთან დაიწყება.შეგახსენებთ, რომ დემურ სტურუამ  სოფელ დაფნარში 8 აგვისტოს თავი მოიკლა.თვითმკვლელობამდე მან  წერილი დატოვა, სადაც ის პოლიციელის მხრიდან მუქარაზე საუბრობს.22 წლის დემურ სტურუას თვითმკვლელობამდე მიყვანის საქმეზე გამოძიებას დასავლეთ საქართველოს საოლქო პროკურატურის საგამოძიებო ნაწილი აწარმოებს. გამოძიება სისხლის სამართლის კოდექსის 333-ე (უფლებამოსილების გადამეტება) და 115-ე (თვითმკვლელობამდე მიყვანა) მუხლებით მიმდინარეობს.
 
საიტზე გამოქვეყნებული ფოტო ეკუთვნის მიშა ძიძიგურს
 
 

სიახლეები

რუსეთის იერიშებს ზაპოროჟიესა და დნეპრზე მსხვერპლი მოჰყვა

ზაპოროჟიეში რუსული შეტევის შედეგად ერთი ადამიანი დაიღუპა, ოთხი დაიჭრა, დაჭრილთა შორის ბავშვიცაა. უხელ რუსეთის სამიზნე...

მოგიწოდებთ, სახე შეინარჩუნოთ – ანდრო ჭიჭინაძის ადვოკატი მოსამართლე ნინო გალუსტაშვილს

მოგიწოდებთ, სახე შეინარჩუნოთ,- ასე მიმართა მსახიობ ანდრო ჭიჭინაძის ადვოკატმა ნათია კორკოტაძემ მოსამართლე ნინო გალუსტაშვილს. ადვოკატმა...

“ბოკუჩავა ჩემს შეცდომას იყენებს” – ჩერგოლეიშვილი

"თინა ბოკუჩავა ჩემს შეცდომას იყენებს" - ამის შესახებ "ფედერალისტების" ლიდერი თამარ ჩერგოლეიშვილი საუბრობს. მისი...

“ვერასდროს ვირწმუნებ გამარჯვების, რომელიც დაცლილია მორალისგან” – ბოკუჩავა ჩერგოლეიშვილის პოსტზე

"ვერასდროს ვირწმუნებ გამარჯვების, რომელიც დაცლილია მორალისგან", - ასე ეხმიანება "ნაციონალური მოძრაობის" თავმჯდომარე თინა ბოკუჩავა...