სანდრა ელისაბედ რულოვსმა დღეს ოფიციალურად დააადასტურა, რომ მზად არის კენჭი იყაროს ზუგდიდის მუნიციპალიტეტში. ეს განცხადება მან გააკეთა კორცხელში, მოსახლეობასთან შეხვედრაზე, რომელიც ჩატარდა იმ სკოლის ეზოში, სადაც 22 მაისს ხელისუფლების მიერ მართულმა ჯგუფმა სასტიკად დაარბია შუალედურ არჩევნებზე მისული ამომრჩევლები და ნაციონალური მოძრაობის ლიდერები
აღსანიშნავია, რომ სანდრა რულოვსმა, ამ განცხადების გაკეთებამდე პირდაპირ დაუსვა კითხვა შეკრებილებს, თანახმანი არიან თუ არა საქართველოს პარლამენტის არჩევნებში ზუგდიდის მინიციპალიტეტის მაჟორიტარი დეპუტატის კანდიდატად იყაროს კენჭი. ,ოთხი წელია აღარ ვარ საქართველოს პირველი ლედი და გვერდიდან ვუყურებ მოვლენებს. ეს ოთხი წელია არაფერი გაკეთებულა ქვეყნისთვის, ვინ უშლიდა ხელს მათ ? მიშა ხომ არ იყო ქვეყანაში? მტკივა გული, რადგან გაჩერებულია ქვეყანა და გპირდებით რომ შეცდომებს აღარ დავუშვებთ. ბრძოლის გარეშე ვერაფერს მივაღწევთ. და ბოლოს თქვენ გჯერათ ჩემი?’’
შეკრებილებმა სანდრა რულოვსის ამ კითხვას ოვაციებითა და თანხმობის გამომხატველი შეძახილებით უპასუხეს.
ამის შემდეგ ენმ-ს ერთერთმა ლიდერმა დავით ბაქრაძემ სანდრა ელისაბედ რულოვსი ოფიციალურად დაასახელა ზუგდიდის მუნიციპალიტეტის მაჟორიტარი დეპუტატობის კანდიდატად პარლამენტში.