„ერთიანი ნაციონალური მოძრაობა“ „ქართული ოცნების“ მაჟორიტარობის კანდიდატს, ზუგდიდის საკრებულოს ყოფილ თავმჯდომარე მერაბ ქვარაიას კორუფციულ გარიგებებში ადანაშაულებს. როგორც პარტიის ზუგდიდის ოფისში გამართულ ბრიფინგზე საკრებულოს წევრმა ანი წითლიძემ განაცხადა, გუშინდელ სხდომაზე , რომელზეც ქვარაიამ თანამდებობა დატოვა, სწორედ აღნიშნულ საკითხებზე სურდა საუბარი რისი საშუალებაც არ მისცეს და სხდომა რეგლამენტის დარღვევით დახურეს. “ჯერ ერთი, რეგლამენტის დარღვევაა ის, რომ მერაბ ქვარაია უკვე აღარ იყო საკრებულოს თავმჯდომარე და შესაბამისად არ იყო უფლებამოსილი დაეხურა სხდომა, რაც კანონდარღვევაა. გარდა ამისა, არ მოგვეცა კითხვის დასმის შესაძლებლობა, თუმცა ვპირდებით ქვარაიას, რომ ჩევნ ამ კითხვებს ყოველთვის შევახსენებთ და მას მოუწევს პასუხის გაცემა. საკრებულოს მუშაობა მთელი 2 წლის მანძილზე გამოირჩეოდა დარღვევებით.ქვარაია გარეულია ყველა იმ კორუფციულ სქემაში, რომელიც არსებობს ზუგდიდში, ის უშუალოდ ლობირებს კომპანიებს, რომლებიც სისტემატიურად იებენ ტენდერებს ზუგდიდში და ეს კომპანიებია შპს „ზუგდიდმშენი“, რომელიც არის ქალაქის მერის მოადგილის კობა ჯიქიას სიმამრის, შპს „ელდარ ფიფია“ , რომელიც არის საკრებულოს წევრის ნათია ფიფიას მამის, საკრებულოს წევრის სოსო გოგოხია კომპანია“- განაცხადა ანა წითლიძემ. საკრებულოს ყოფილმა თავმჯდომარემ ბრალდებებს უპასუხა, ქვარაია აცხადებს, რომ „ნაციონალური მოძრაობა“ პოლიტიკურ აგონიაშია.ნაციონალური მოძრაობა ძალიან კარგად გრძნობს, თუ რა შედეგით დასრულდება 2016 წლის საპარლამენტო არჩევნები მათთვის. 2016 წლის ოქტომბრის არჩევნებში გაიმარჯვებს „ქართული ოცნება“ და ამით წერტილი საბოლოოდ დაესმება დამნაშავე ორგანიზაციის „ნაციონალური მოძრაობის“ საქმიანობას საქართველოში, სხვა კომენტარს ვერ გავაკეთებ“- განაცხადა მერაბ ქვარაიამ
„ერთიანი ნაციონალური მოძრაობა“ „ქართული ოცნების“ მაჟორიტარობის კანდიდატს, ზუგდიდის საკრებულოს ყოფილ თავმჯდომარე მერაბ ქვარაიას კორუფციულ გარიგებებში ადანაშაულებს.
Published on