დღეს იწყება 2015 წლის ერთიანი ეროვნული გამოცდები.

აბიტურიენტების მისაღებად მზად არის 19 საგამოცდო ცენტრი ქალაქებში:ბათუმი, ფოთი, ზუგდიდი, ოზურგეთი, ქუთაისი, ახალციხე, გორი, თბილისი, რუსთავი, თელავი, ხულო.

პირველი გამოცდა ქართულ ენასა და ლიტერატურაში ტარდება. ამ წუთებში მიმდინარეოს აბიტურიენტების რეგისტრაცია, რომელიც  08:00 საათიდან დაიწყო.

შეფასებისა და გამოცდების ეროვნული ცენტრის დირექტორის მაია მიმინოშვილის მიერ  გუშინ გამართულ პრესკონფერენციაზე გაკეთებული განცხადების თანახმად,  აბიტურიენტებს  ექნებათ სათანადო პირობები გამოცდების მშვიდ და ნორმალურ ვითარებაში ჩაბარებისთვის. –  ყველა საგამოცდო ცენტრში არის სამედიცინო პუნქტი, ცენტრების მიმდებარე ტერიტორიაზე მობილიზებული იქნება სასწრაფო დახმარების მანქანა, სამაშველო სამსახური და საპატრულო პოლიცია. გათვალისწინებულია სპეციფიკური საგამოცდო პირობების შექმნა 100-ზე მეტ აბიტურიენტისთვის . რომელთა შორის  არიან სხვადასხვა ტიპის პრობლემების მქონე ახალგაზრდები,  ასევე მსჯავრდებულები. 

   შეფასებისა და გამოცდების ეროვნული ცენტრის ცნობით წლეულს ერთიან ეროვნულ გამოცდებზე რეგისტრირებული იყო 40 000-ზე მეტი აბიტურიენტი, თუმცა, დაახლოებით1 300 მეთორმეტეკლასელმა ვერ შეძლო  ატესტატის აღება და პროცესს გამოეთიშა.