სტიქიის შედეგები ბორჯომში - ყველაზე რთული ვითარება ცენტრალურ პარკშია

სტიქიით დაზარალებულ ბორჯომში დღეს დილიდან განახლდა გაწმენდითი სამუშაოები. ძლიერი წვიმისა და სეტყვის შემდეგ, ბორჯომის ცენტრალური პარკის დიდი ნაწილი განადგურებულია. დატბორილია შენობა ნაგებობები, დამტვრეულია ხეები და მოშლილია ინფრასტრუქტურა. ბორჯომში მუშაობს საგანგებო შტაბი. შტაბის წევრების ინფორმაციით, ყველაზე რთული ვითარება ამ დროისთვის კვლავ ბორჯომის ცენტრალურ პარკში რჩება. თუმცა, ინტენსიური სამუშაოების შედეგად, ბორჯომის პარკის ნაწილი ცოტა ხანში გაიხსნება.რაც შეეხება ბარკის სრულად გახსნის საკითხს, სამუშაოები დღის ბოლომდე გაგრძელდება და პარკი ფუნქციონირებას სწორედ სამუშაოების დასრულების შემდეგ შეძლებს.ძლიერი წვიმის და სეტყვის შედეგად დაზიანდა წაღვერი-ბაკურიანის გზა. სადგერის ჩაკეტილი გზა უკვე გაწმენდილია და მოძრაობა უკვე აღდგენილია.„დაიწყო სამუშაოები, ეს არის სადგერის მიმართულება, ეს არის პარკი, ეს არის წაღვერის მიმართულება. ლიკანის მიმართულებაზე პრობლემა უკვე აღარ გვაქვს. კრიტიკული ახლა რაც არის, ეს არის პარკი. უნდა გავასუფთავოთ პარკის ტერიტორია და ის დღის განმავლობაში სანახევროდ გაიხსნება,“- განაცხადა სახელმწიფო უსაფრთხოებისა და კრიზისების მართვის საბჭოს მდივანმა მინდია ჯანელიძემ.ბორჯომის გამგებლის განცხადებით, ქალაქი უკვე დაუბრუნდა ცხოვრების ჩვეულ რიტმს, რადგან უკვე მოხერხდა ქალაქის ძირითადი ნაწილის გაწმენდა. მისივე ინფორმაციით, ამ ეტაპზე მიმდინარეობს სტიქიის შედეგად მიყენებული ზარალის დათვლის პროცესი.

სტიქიის შედეგები ბორჯომში – ყველაზე რთული ვითარება ცენტრალურ პარკშია

სიახლეები

გახარიას პარტიამ პარლამენტში ჩხუბზე გამოძიების მოთხოვნით პროკურატურას მიმართა

ამაში ცუდი არაფერია – კალაძე ყაველაშვილის ალი ხამენეის დაკრძალვაზე ჩასვლას არ გამორიცხავს

3 წელში 30-წლიანი პარტნიორობა დაანგრია-პაპუაშვილი ფიშერზე