პრინციპულად არასწორი მგონია, როდესაც პოლიტიკოსები ასე უაპელაციოდ და თავგამოდებით ესხმიან თავს მოსამართლეებს და აიძულებენ მათ თავი ჩაიყენონ პრაქტიკულად თავის მართლების რეჟიმში , – ამის შესახებ ჟურნალისტებს საქართველოს საკონსტიტუციო სასამართლოს მოსამართლე ქეთევან ერემაძემ განუცხადა, რითაც მათი მისამართით პოლიტიკურ წრეებში გაკეთებულ შეფასებებს უპასუხა.
„პრინციპულად არასწორი მგონია, როდესაც პოლიტიკოსები ასე უაპელაციოდ და თავგამოდებით ესხმიან თავს მოსამართლეებს და აიძულებენ მათ თავი ჩაიყენონ პრაქტიკულად თავის მართლების რეჟიმში. ჩვენ ამ საკითხთან დაკავშირებით გვექნება შეხვედრა, მოსამართლეები გავივლით ერთმანეთთან კონსულტაციებს, განვიხილავთ ყველა საკითხს, თუ კიდევ დარჩა კითხვის ნიშნები. კონკრეტულმა მოსამართლეებმა გავავრცელეთ განცხადება ამასთან დაკავშირებით და რატომღაც გვეგონა, რომ ეს იქნებოდა საკმარისი, თუმცა, როგორც ჩანს, კითხვები დაინტერესებულ პირებს ჯერ კიდევ აქვთ, ამიტომ შევეცდებით ყველა საკითხი დეტალურად გავიაროთ“, – განაცხადა მოსამართლემ.