ზუგდიდის მუნიციპალიტეტის გამგეობის ძეგლთა დაცვის განყოფილების უფროსის ლაშა ჯიქიას განცხადებით, ,,ზუგდიდის ბოტანიკური ბაღის შესასვლელთან დაფიქსირდა საკმაოდ ვრცელი, დაახლოებით ათ მეტრზე მეტი სიგრძის შენობა, გამოიკვეთა საძირკველი, რომელიც შემდგომ არქეოლოგიურ გამოკვლევებს საჭიროებს. იგი ვარაუდობს, რომ ეს სამეგრელოს მთავრის, დავით დადიანის დის სასახლეა, თუმცა ისტორიულ წყაროებში ამ ტერიტორიაზე სასახლის არსებობის შესახებ ცნობები არ არის დაცული.
გამგეობის წარმომადგენლის თქმით, მოხდა ასევე ჯვარედინა სასახლის ლოკალიზებაც. თუ ადრე მიჩნეული იყო, რომ ის შესასვლელთან მდებარეობდა, დაფიქსირდა ბაღის სიღრმისკენ, ეკლესიის გასწვრივ. ამ ეტაპზე მიმდინარეობს მოლაპარაკებები არქეოლოგიური სამუშაოების გასაგრძელებლად.
ამ მოსაზრებას არ იზიარებს ისტორიკოსი გიორგი კალანდია:
,,სამეგრელოს მთავრის დის პუპი დადიანის სასახლე ბოტანიკური ბაღის შესასვლელში ვერანაირად ვერ იქნება, რადგან მის საძირკველზე დღევანდელი დედოფლისეული სასახლე დგას (ი.მეუნარგიას უწერია ეს ამბავი გარკვევით), რაც შეეხება ბოტანიკური ბაღის შესასვლელთან აღმოჩენილ საძირკველს, ეს ე.წ შენგელაიებისკოშკისა და საგუშაგოს საძირკველია და ესეც გარკვევითა მითითებული შესაბამის წყაროებში, კიდევ შესაძლებელია იქ მიურატების სასახლის საძირკველი აღმოჩნდეს. კიდევ ერთი- არასოდეს არავის მიუჩნევია, რომ ჯვარედინა ანუ დავითისეული სასახლე ბაღის შესასვლელში იყო, მისი ადგილმდებარეობა ჯერ კიდევ 20 საუკუნის დასაწყისში აღმოაჩინა აკაკიჭანტურიამ და იგი დღემდე იქაალოკალიზებული, სადაც არის , ანუ ბაღის სიღრმეში! სასურველია ასეთი მნიშვნელოვანი სამუშაოები არასწორი ინტერპრეტაციითა და მცდარი ინფორმაციებით არ დავრჩდილოთ – წერს გიორგი კალანდია.