მთავარისიახლეებიეკონომიკაპარლამენტმა პირველი მოსმენით დაუჭირა მხარი კანონპროექტს „ეროვნული ბანკის შესახებ“

პარლამენტმა პირველი მოსმენით დაუჭირა მხარი კანონპროექტს „ეროვნული ბანკის შესახებ“

Published on

პარლამენტმა პირველი მოსმენით დაუჭირა მხარი კანონპროექტს „ეროვნული ბანკის შესახებ“. 
78 დეპუტატი ერთის წინააღმდეგ – ასეთია  შედეგები კენჭისყრისა, რომელსაც საპარლამენტო ოპოზიცია არ დაესწრო.

ცნობილია, რომ„ნაციონალური მოძრაობისა“ და „თავისუფალი დემოკრატების“ წარმომადგენლები მხარს არ უჭერენ არსებულ ვერსიას, რომელიც მათი შეფასებით  ანტიკონსტიტუციურია. 

„არც ერთ საერთაშორისო ორგანიზაციას, არც ერთ ჩვენს მეგობარს, რომელსაც სურს, რომ ეროვნული ბანკის  სფერო იყოს დამოუკიდებელი და მყარი, არ მოსწონს ეს ცვლილებები. მიაჩნიათ, რომ ეს არის პოლიტიზაცია და მიაჩნიათ, რომ ეს ცვლილებები დააზიანებს საბანკო სექტორს. პრინციპულად მიუღებელი ჩვენთვის ეს კანონი. ჩვენთვის ცნობილია, რომ პრეზიდენტი ამ კანონს ვეტოს დაადებს. საერთოდ ვერ ვხედავთ აუცილებლობას, გავაგრძელოთ ამ თემაზე დებატები,“ – განაცხადა გუშინ ნაციონალური მოძრაობის  წარმომადგენელმა მიხეილ მაჭავარიანმა.
საუბარია საბანკო ზედამხედველობის სააგენტოს შემოღებაზე, რომელსაც შვიდკაციანი საბჭო ეყოლება.
კანონის ავტორი, საფინანსო-საბიუჯეტო კომიტეტი თავმჯდომარე, თამაზ მეჭიაური, კი ამბობს, რომ მმართველ გუნდს არანაირი პოლიტიკური მიზნები არ გააჩნია.„გვინდოდა, შეგვექმნა ისეთი მოდელი, რომელიც უზრუნველყოფს ეროვნული ბანკის  ისეთი სახით მართვას, რომელიც გამორიცხავს ამ სისტემის ყოველგვარ პოლიტიზირებას ნებისმიერი ხელისუფლების პირობებში,“ – აცხადებს თამაზ მეჭიაური.

ეროვნული ბანკიდან ზედამხედველობის სამსახურის გამოყოფას ეწინააღმდეგებიან საერთაშორისო ფინანსური ორგანიზაციები . სავალუტო ფონდმა, მსოფლიო ბანკმა, აზიის განვითარების ბანკმა, ევროპის რეკონსტრუქციისა და განვითარების ბანკმა პრემიერ-მინისტრსა და პარლამენტის თავმჯდომარეს   წერილით მიმართეს  კრიტიკული შინაარსის  წერილით, რომელშიც იმ რისკებზეა საუბარი,  რომელიც ინიციატივის ამოქმედებას უკავშირდება. „პარლამენტში წარმოდგენილი ცვლილებების ამოქმედება დაასუსტებს საქართველოში საბანკო ზედამხედველობის ხარისხსა და დამოუკიდებლობას. ახალი საბანკო ზედამხედველობის სააგენტოს შემოთავაზებულ სტრუქტურას შესაძლოა მოჰყვეს არაადეკვატური დამოკიდებლობა…“, – ნათქვამია წერილში.

ეროვნულ ბანკში  მიაჩნიათ, რომ ახალი ცვლილებების ამოქმედება ცენტრალური ბანკის პოლიტიზირებას გამოიწვევს.

უკვე ცნობილია ქვეყნის პირველი პირის გიორგი მარგველაშვილის  პოზიცია- იგი არ იწონებს შემოთავაზებულ ცვლილებებს და  მიღების შემთხვევაში  კანონპროექტზე ვეტოს დადებას აპირებს. უმრავლესობა კი ვეტოს დასაძლევად ემზადება.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...