რუსული მედიის ცნობით, 11 ივლისს მოსკოვში უსაფრთხოების ფედერალური სამსახურის თანამშრომლებმა ე.წ კანონიერი ქურდი, ,,შაქრო მოლოდოი’’, იგივე კალაშოვი დააკავეს.
კალაშოვი მოსკოვის ერთ-ერთი რესტორნის Elements– ის მფლობელისაგან ჟანა კიმისაგან დიდი ოდენობით თანხის გამოძალვის საქმეზე აღძრული გამოძიების ფარგლებში აიყვანეს. ინციდენტი გასული წლის დეკემბერში მოხდა, ათი კაცისაგან შემდგარმა ჯგუფმა რესტორანში ცეცხლი გახსნა, შედეგად დაიჭრა 5 ადამიანი, რომელთაგან ორი საავადმყოფოში მიყვანისთანავე გარდაიცვალა. საქმეში არსებული მასალებით ინციდენტისმიზეზი შესაძლოა ყოფილიყო გადაუხდელ ვალებთან დაკავშირებული ფინანსური უთანხმოებები
მაშინ ცხელ კვალზე აიყვანეს კალაშოვთან დაახლოებული პირი, ვინმე ანდრეი კოჩუიკოვი ( მეტსახელად ,,იატალიანეცი“) და კვალი კალაშოვთანაც მივიდა. რუსული მედია წერს, რომ კალაშოვი რუსული დანაშაულებრივი სამყაროს ერთ-ერთ ლიდერად ითვლება, მან ეს ადგილი დაიკავა მას შემდეგ, რაც სნაიპერული გასროლით მოკლეს ასლან უსოიანი, მეტსახელად ,,დედ ხასანი“