დღეს პარლამენტის საგაზაფხულო სესია დაიხურება, თუმცა დეპუტატები მუშაობას რიგგარეშე სხდომების ფორმატში განაგრძობენ.
როგორც პარლამენტის თავმჯდომარემ დავით უსუფაშვილმა 22 ივნისის ბიუროს სხდომაზე განაცხადა, პრეზიდენტს 27 ივნისიდან რიგგარეშე სესიის მოწვევის თხოვნით მიმართავენ. მისივე თქმით, პარლამენტს ივლისის თვეში, სამი-ოთხი კვირის განმავლობაში მოუწევს მუშაობა.
პარლამენტის საშემოდგომო სესია სექტემბრის პირველ სამშაბათს – 1 სექტემბერს გაიხსნება.