ადგილობრივი ბიზნეს სექტორის 80-მდე წარმომადგენელი დაესწრო შეხვედრას სურსათის ეროვნული სააგენტოსა და გერმანიის საერთაშორისო თანამშრომლობის საზოგადოების წარმომადგენლებთან, რომელიც დღეს ანაკლიაში გაიმართა.
ღონისძიება საქართველოს სავაჭრო-სამრეწველო პალატის ორგანიზებით დაიგეგმა მას შემდეგ , რაც მისი პრეზიდენტი რეგიონული შეხვედრების პროექტის ფარგლებში ზუგდიდში ჩავიდა და ადგილობრივი მეწარმეების საჭიროებებს გაეცნო.
როგორც ორგანიზატორები აცხადებენ პროექტის მიზანი რეგიონული ბიზნესის ხელშეწყობაა.
შეხვედრის მონაწილე ადგილობრივმა მეწარმეებმა მოისმინეს სურსათის სააგენტოსა და გერმანიის საერთაშორისო თანამშრომლობის საზოგადოების პრეზენტაციები და, თავის მხრივ, კონკრეტული დახმარების მიღების მიზნით პრეზენტატორებს გააცნეს თავიანთი პრობლემები ძირითადად თაფლის, თხილის, ავეჯისა და ეთერ-ზეთების წარმოების სფეროში.
პალატამ მათ აღმოსაფხვრელად ბიზნეს-სექტორისთვის კონკრეტული პროექტების შეთავაზების გადაწყვიტილებაზე გააკეთა განცხადება.