,,რია ნოვოსტის'' ცნობით, წლის ბოლომდე გუდაუთაში დასრულდება კიდევ თორმეტი საცხოვრებელი კორპუსის მშენებლობა, რომელშიც ოჯახებითურთ ჩასახლდება ათასი რუსი სამხედრო მოსამსახურე, რომელიც კონტრაქტით მსახურობს აფხაზეთში ბაზირებულ რუსეთის შეიარაღებული ძალების სამხრეთის სამხედრო ოლქში .
ქალაქ გუდაუთაში მშენებარე თორმეტი ორსართულიანი სახლის 300 ბინა, რომელიც აღიჭურვება აუცილებელი ავეჯითა და საყოფაცხოვრებო ტექნიკით (მათ შორის ტელევიზორებით, ელექტროღუმელებითა და მაცივრებით) შევა სამხედრო ბაზის საბინაო ფონდში და კომფორტულ საცხოვრებელ პირობებს შეუქმნის სამხედრო მოსამსახურეებსა და მათ ოჯახებს – ნათქვამია ინფორმაციაში – ამ დროისათვის აგებულია შენობების კარკასები, ინტენსიურად მიმდინარეობს მოსაპირკეთებელი და შიდა საინჟინრო ქსელების გაყვანის სამუშაოები, უკვე ჩაყრილია წყალგაყვანილობისა და კანალიზაციის მილები.
ამასთან სამხედო ბაზის ტერიტორიაზე შენდება სკოლა – 200 და საბავშვო ბაღი – 150 ბავშვისთვის. სამუშაოები დეკემბრისთვის დასრულდება.
ინფორმაციაში ხაზგასმულია, რომ ყველა ამ ნაგებობის მშენებლობა, აფხაზეთში რუსეთის სამხედრო ოლქის სხვა ინფრასტრუქტურული ობიექტების მსგავსად, მხოლოდ ეკოლოგიურად სუფთა მასალებით მიმდინარეობს. სახლების სეისმური მედეგობა გათვლილია ცხრაბალიან მიწისძვრაზე