მინისტრთა კაბინეტის დღევანდელ სხდომაზე სახელმწიფო ბიუჯეტის კორექტირებული ვარიანტის განხილვა მიდინარეობს.
სხდომის დაწყებისას პრემიერ-მინისტრმა ირაკლი ღარიბაშვილმა განაცხადა, რომ ,,ბიუჯეტის კორექტირება დაკავშირებულია რეგიონში არსებულ სერიოზულ კრიზისთან და განსაკუთრებით მეზობელ ქვეყნებში – რუსეთსა და უკრაინაში შექმნილ რთულ ვითარებასთან. ‘’
რეგიონში თითქმის ყველა სახელმწიფომ მოახდინა ბიუჯეტისკორექტირება. ეს ნორმალური პროცესია – განაცხადა პრემიერ-მინისტრმა.
მინისტრთა კაბინეტს ბიუჯეტის კორექტირებული ვარიანტი ფინანსთა მინისტრმა ნოდარ ხადურმა წარუდგინა.
სახელმწიფო ბიუჯეტი დაახლოებით140 მილიონი ლარით მცირდება,
როგორც ფინანსთა მინისტრი განმარტავს, ცვლილებები ეხება მიმდინარე ხარჯებს, ბიუჯეტის კორექტირება ყველაზე მეტად შინაგან საქმეთა და თავდაცვის სამინისტროებს შეეხოთ.როგორც ნოდარ ხადურმა მთავრობის სხდომაზე განაცხადა, ყველაზე მეტი თანხა სწორედ დასახელებულ უწყებებს შეუმცირდათ.
კაპიტალური და სოციალური ხარჯები არ შემცირებულა. "არანაირი კაპიტალური ხარჯები არ შემცირებულა, პირიქით, ჩვენ გვაქვს იმის რესურსი, რომ წლის განმავლობაში გავზარდოთ კაპიტალური ხარჯები. ჩვენ ვმუშაობთ დონორებთან და მათი თანხების ძალიან დიდი ნაწილი მიმართული იქნება სწორედ კაპიტალური ხარჯებისთვის, დამატებით იმ თანხებზე, რომლებიც ახლა გვაქვს გათვალისწინებული ბიუჯეტის პროექტში და რომელსაც დღეს განვიხილავთ" – განაცხადა ხადურმა.
მისი განმარტებით, ბიუჯეტის კორექტირებულ ვარიანტში გათვლიწინებულია დამატებითი სახსრების გამოყოფა თბილისსა და მის შემოგარენში, სტიქიური უბედურებით მიყენებული ზიანის აღმოფხვრისთვის.