21 ივნისს გალის რაიონის, სოფელ ფიჩორში, სოფლის ცენტრიდან ერთი კილომეტრით დაშორებულ სამალავში აფხაზეთის დე ფაქტო უშიშროების სამსახურისა და რუსეთის ფსბ-ეს თანამრომლებმა დიდი რაოდენობით საბრძოლო იარაღი და ასაფეთქებელი ნივთიერება აღმოჩინეს, – ნათქვამია დე ფაქტო აფხაზეთის უშიშროების სამსახურის ოფიციალურ გვერდზე განთავსებულ კრიმინალურ ქრონიკაში.- კერძოდ, სახელდება ერთი ხელის ტანკსაწინააღმდეგო ნაღმსატყორცნი, რუმინული წარმოების კალაშნიკოვის ავტომატი, ასაფეთქებელი ნივთიერება ,,ტროტილი“ ( 500 გრამი) და სხვა.
უწყება აცხადებს, რომ „ოპერატიული ინფორმაციის თანახმად, იარაღის სამალავი ქართული დივერსიული ჯგუფის ხელმძღვანელებს დათო შენგელიას და ბაკურ ბულიკირიას ეკუთვნის“
ვრცელდება აგრეთვე ცნობა, რომ ამ საქმესთან დაკავშირებით დაკავებულია გალის რაიონში მცხოვრები ორი მოქალაქე, რომელთა ვინაობას გამოძიების ინტერესებიდან გამომდინარე, არ ხმაურდება.