ბრატისლავაში, სადაც გლობალური უსაფრთხოების ფორუმი მიმდინარეობს, უკრაინის დელეგაციას პრეზიდენტი პეტრო პოროშენკო და ოდესის გუბერნატორი მიხეილ სააკაშვილი წარმოადგენენ. დღეს . ბრატისლავაში მყოფმა მიხეილ სააკაშვილმა რეგიონში რუსეთის პოლიტიკაზე ისაუბრა და უკრაინასა და საქართველოს შორის პარალელები გაავლო:
„ოდესაში წყდება უკრაინის ბედი. მაგრამ, თუ შავიზღვისპირეთში სიტუაცია არიეს, საქართველოს ეს ეგზისტენციალურ საფრთხეს შეუქმნის. საქართველო ისეთ მდგომარეობაშია, როდესაც შიგნიდან ძალიან სუსტდება, ზუსტად ისე, როგორც უკრაინა დაასუსტეს წინა წლებში, იანუკოვიჩის მთავრობის დროს. იმ პირობებში, როდესაც გლობალური პოლიტიკა ძალიან მერყევია და შიგნითაც ძალიან ვსუსტდებით, ყველა მაქსიმალურად ფრთხილად უნდა ვიყოთ,“ – განაცხადა მიხეილ სააკაშვილმა.