ჟურნალისტიკის საერთაშორისო კონფერენციაზე, სადაც გიორგი მარგველაშვილი სიტყვით გამოვიდა, რუსთავი 2-ის ჟურნალისტმა მას დაუსვა კითხვა სტრასბურგის სასამართლოს მიერ გამოტანილ გადაწყვეტილებაზე ვანო მერაბიშვილის საქმესთან დაკავშირებით,
კერძოდ, აპირებს თუ არა ის რაიმე რეაგირებას და რა პოზიცია აქვს მას ევროპის სასამართლოს მიერ მიღებულ გადაწყვეტილებასთან დაკავშირებით. თუმცა, პრეზიდენტმა ამ საკითხთან დაკავშირებით, განცხადების გაკეთება არ ისურვა.
სტრასბურგის სასამართლოს გადაწყვეტილებაში ნათქვამია, რომ მერაბიშვილის შემთხვევაში დაირღვა ადამიანის უფლებათა ევროპული კონვენციის 18-ე მუხლი. ევროპის სასამართლომ დაადგინა, რომ ვანო მერაბიშვილს დაუსაბუთებლად შეეფარდა პატიმრობა. სტრასბურგის სასამართლომ საქმეზე გადაწყვეტილება სასამართლოს ვებ გვერდზე გამოაქვეყნა.