ზუგდიდში მყოფმა განსახლებისა და ლტოლვილთა მინისტრმა სოზარ სუბარმა დღეს ბარამიას ქუჩაზე დევნილთათვის განკუთვნილი კორპუსების მშენებლობა დაათვალიერა.
„დაპირებისამებრ ვაგრძელებთ მშენებლობას. ეს იქნება შესახლების მუდმივი ეტაპი, თავიდან გვქონდა 34 კორპუსზე გათვლა, თუმცა 20-მდე დავიყვანეთ, რადგან ქალაქდაგეგმარებამ მოითხოვა შემცირება“ – განაცხადა მან ჟურნალისტებთან საუბარში – ამ ეტაპზე ბარამიას ქუჩაზე უკვე მიმდინარეობს 2 თორმეტსართულიანი სახლის სამშენებლო სამუშაოები 144 დევნილი ოჯახისთვის, რომელიც წლის ბოლომდე დასრულდება. მისი თქმით, ბარამიას ქუჩაზე სულ ოთხი 12- სართულიანი კორპუსი აშენდება, სადაც ბინას 288 დევნილი ოჯახი მიიღებს. მშენებლობის მიმდინარეობას სუბართან ერთად მხარის გუბერნატორი და ზუგდიდის ადგილობრივი თვითმმართველობის წარმომადგენლებიც გაეცნენ, მათ მოინახულეს აგრეთვე მაც მოინახულეს ე. წ. ფაიფურის დასახლებაში, დემურიას ქუჩაზე არსებული შენობა, სადაც სარეკონსტრუქციო სამუშაოები მიმდინარეობს. რეაბილიტაციის შემდეგ ამ შენობაში საცხოვრებელ ფართს 47 დევნილი ოჯახი მიიღებს.
კორპუსების სამშენებლო სამუშაოებს კომპანია „დაგი“ განახორციელებს