გიგა ოთხოზორიას ოჯახს დღეს პრემიერ-მინისტრმა გიორგი კვირიკაშვილმა მინისტრთა კაბინეტის წევრებთან ერთად მიუსამძიმრა. მინისტრა ტერიტორია კომენტარის გარეშე დატოვა. ოთხოზორიას ოჯახს სამძიმარი ვიცე-პრემიერმა კახა კალაძემ, სპეციალურმა წარმომადგენელმა რუსეთთან ურთიერთობების საკითხებში ზურაბ აბაშიძემ, შინაგან საქმეთა მინისტრმა გიორგი მღებრიშვილმა, სასჯელაღსრულების მინისტრმა კახა კახიშვილმა, სახელმწიფო უსაფრთხოების სამსახურის ხელმძღვანელმა ვახტანგ გომელაურმა და სოფლის მეურნეობის მინისტრმა ოთარ დანელიამ გამოუცხადეს. გიგა ოთხოზორიას, რომელიც 19 მაისს ხურჩაში ქართული მხარის მიერ კონტროლირებად ტერიტორიაზე გადმოსული საოკუპაციო რეჟიმის სამხედროებიდან ერთ–ერთი სამხედროს მიერ ნასროლმა ტყვიამ იმსხვერპლა, ხვალ, 26 მაისს ზუგდიდში დაკრძალავენ.