სოფელ ხურჩაში კავკასიის უნივერსიტეტის სტუდენტებმა რამდენიმე დღის წინ ოკუპანტების მიერ მოკლული გიგა ოთხოზორიას ხსოვნას წუთიერი დუმილით პატივი მიაგეს და მისი მკვლელობა გააპროტესტეს. მათ შემთხვევის ადგილი გვირგვინით შეამკეს, სანთლები დაანთეს და საქართველოს ჰიმნი შეასრულეს. სტუდენტების განცხადებით, საქართველოს ხელისუფლებამ მკცარი რეაგირება უნდა მოახდინოს მომხდარზე. კავკასიის უნივერსიტეტის სტუდენტებს შოთა მესხიას სახელობის სახელმწიფო-სასწავლო უნივერსიტეტის სტუდენტებიც შეუერთდნენ. გიგა ოთხოზორია ხურჩა-ნაბაკევის საზღვარზე, საქართველოს მიერ კონტროლირებად ტერიტორიაზე ე.წ აფხაზმა მესაზღვრემ ცეცხლასროლი იარაღიდან რამდენიმე გასროლით მოკლა. მას 26 მაისს, ზუგდიდში დაკრძალავენ.