ქართული არხების ღია ეთერით მიღება აფხაზეთისა და სამაჩაბლოს ტერიტორიაზე მცხოვრები მოსახლეობისთვის უკვე შესაძლებელია. ამის შესახებ ინფორმაცია news.ge-ს კერძო მულტიპლეს ოპერატორმა – შპს „სტერეო +“-მა მიაწოდა.როგორც „სტერეო პლუსში“ განაცხადეს, მათ უკვე დაასრულეს სამუშაოები ოკუპირებული ტერიტორიების დიდი ნაწილის დასაფარად. კომპანიის სიგნალი იქ მცხოვრებ მოსახლეობას 20-მდე ქართული არხის უფასოდ მიღების შესაძლებლობას აძლევს.სიგნალის მისაღებად საჭიროა დეციმეტრული ანტენა და DVB-T2 სტანდარტის მოწყობილობა (SET –TOP-BOX).შეგახსენებთ, რომ საქართველოს ციფრულ მაუწყებლობაზე 2015 წლის 17 ივნისიდან გადავიდა. ის ამიერკავკასიაში არის ერთადერთი ქვეყანა, რომელმაც ვალდებულება დადგენილ ვადაში და თანაც წარმატებით განახორციელა.

news.ge