აფხაზეთის პირველი საჯარო სკოლის ინიციატივით ცენტრალურ ბულვარში ხურჩაში მოკლული გიგა ოთხოზორიას ხსოვნის პატივსაცემად მშვიდობიანი აქცია გაიმართა. პედაგოგებმა და მოსწავლეებმა პლაკატებით წრე შეკრეს, რომელსაც ეწერა „რუსეთი მკვლელია“, მკვლელი დაისაჯოს.მოკლული გიგა ოთხოზორიას დედა ამავე სკოლის პედაგოგია, პედაგოგების განმარტებით ოჯახს მატერიალურად უჭირს და ხელისუფლებას დახმარებას თხოვენ.აქციის მონაწილეებმა სანთლები აანთეს და წუთიერი დუმილით პატივი მიაგეს ოთხოზორიას ხსოვნას.აქციას შეუერთდნენ გიგა ოთხოზორიას ოჯახის ახლობლები და ზუგდიდის საკრებულოს წევრი ენმ–დან ანი წითლიძე. აქციის მონაწილეთა განმარტებით, დანაშაულის ჩამდენმა პასუხი უნდა აგოს საკუთარ ქმედებაზე. 19 მაისს ხურჩაში ქართული მხარის მიერ კონტროლირებად ტერიტორიაზე გადმოსული საოკუპაციო რეჟიმის სამხედროებიდან ერთ–ერთმა ფიზიკური შეურაცხყოფისა და სროლის შედეგად 30 წლის გიგა ოთხოზორია ადგილზე მოკლა.