კორცხელში მომხდარ ძალადობას აფასებეს ადვოკატთა ასოციაციის ხელმძღვანელი. არასამთავრობოებს მიაჩნიათ, რომ მომხდარ ინციდენტთან დაკავშირებით გამოძიება უნდა წარიმართოს დროში შემჭიდროებულ ვადებში და ობიექტურად.„ლორთქიფანიძის ინციდენტის დროს, როდესაც ამ ადამიანის მიმართ არანაირი ძალადობა არ იყო, ადამიანები მისცეს პასუხისგებაში და როდესაც ადამიანებზე ხდება თავდასხმა, ამის კადრები არსებობს და არავის არ აძლევენ პასუხისგებაში, ეს არის შერჩევითი მართლმსაჯულება. საქართველოში პოლიციელების ძალადობამ მიიღო ახალი მუხტი, მას შემდეგ, რაც ბატონი ქობალია, რომელმაც ბრალდებულს კოკა-კოლა აალოკინა და აწამა, დანიშნეს პოლიციის სამმართველოს უფროსად,“ – აცხადებს ზაზა ხატიაშვილი.არასამთავრობო სექტორში აცხადებენ, რომ სამართალდამცველებმა ასევე უნდა შეისწავლონ ჟურნალისტებისთვის ხელის შეშლის ფაქტები, რომელსაც ასევე ქონდა ადგილი კორცხელში. „რაც მეტი დრო გავა და არ იქნება კონკრეტული ხელშესახები შედეგები გამოძიებაში, ეს დაადასტურებს, რომ აღნიშნული ძალადობა შესაძლოა, ძალიან მარტივად დარჩეს დაუსჯელი,“ – აღნიშნა საია-ს თავმჯდომარემ, ანა ნაცვლიშვილმა.
რუსთავი2