საქართველოს კულტურული მემკვიდრეობის დაცვის ეროვნული სააგენტოს ყოფილი ხელმძღვანელი ნიკა ვაჩეიშვილი თავის ფეისბუქგვერდზე კორცხელის რბევას ეხმაურება:
,,საზიზღრობა მოხდა დღეს კორცხელში. მაგარი დემოკრატიაა…პრიმიტიული და ჩლუნგი ამბები.
კორცხელში სხვა რამ მახსენდება. აქ ერთი ლამაზი ტაძარი დგას, იერუსალიმის ჯვრის მონასტრის მეტოქიონი. მე-16-17 საუკუნისა, დამეწყრილი მიდამოა. 2008 წელს უცებ მიადგა მეწყერი – წაიღო ფერდი და თვალის დახამხამებაში ტაძრამდე 1 მეტრიღა დატოვა მიწა – ნებისმიერ წამს წაიღებდა ტაძარს.
ელვის სისწრაფით დავამუშავეთ სხვადასხვა შესაძლებლობა – ეკლესიის დანომრვის, დაშლის და სხვაგან გადატანის ჩათვლით. შევჩერდით ფერდის გამაგრებასა და ვეგეტაციაზე. ფიქრი, ანალიზი და ქმედება ერთად იყო საჭირო. გავამაგრეთ. გადარჩა ტაძარი…
და ეს მიშა სააკაშვილის მთავრობის ერთსულოვნებამ და ქმედითობამ გააკეთა. ახსოვთ, იმედია, ეს ამბავი კორცხელელებს''